الرئيس السيسي: «لو عايز تتجوز حط فلوس في صندوق الأسرة»

كشف الرئيس عبد الفتاح السيسي عن أهمية طرح قانون الأحوال الشخصية للحوار المجتمعي خلال الفترة المقبلة.

صندوق الأحوال الشخصية

وطالب السيسي المستشار عمر مروان وزير العدل، بالحديث عن آخر مستجدات التعديلات وإجراء حوار مجتمعي.

وقال الرئيس “ليه بنعمل صندوق في القانون.. عشان أي أسرة والاختلاف وارد وهما زعلانين من بعض مش عايزين يصرفوا واللي بيضيع الأبناء”

واستكمل “هنعمل صندوق الأسرة اللي هيتكفل بالمصاريف في هذه الفترة .. الدين الحقيقي له نظم، والدولة اللي متعملش نظم تحقق مقاصد الدين يبقى عندها خلل”.

وأضاف ” حضرتك جاي تتجوز، حط مبلغ في الصندوق، اللي يقدر على الفرح، يقدر يدفع المبلغ مش كتير، وأنا كدولة اتفقت مع رئيس الوزراء لو مليار الحكومة هتحط مليار واتنين”.

وأكد السيسي “هنتكفل بالإجراء اللي يقدر يأمن ولادنا في كل شئ، احنا بنتكلم على نسبة طلاق قد إيه”.

وأجاب وزير العدل، قائلاً “اللي معلن مقارنة حالات الطلاق اللي تمت من سنة 65 بحالات الزواج لسنة واحدة”.

و أضاف “ده أظهر إن نسبة الطلاق 36% ودة مبالغ فيه.. لكن عملنا حاجة، قارنا بين الناس اللي اتجوزت في سنة معينة”.

شروط عقد الزواج في القانون الجديد

وأكد السيسي على أن إجراءات الكشف الطبي في عقد الزواج بالقانون الجديد يشترط سلامة العقل للزوجين.

وأوضح أنه يوجد نقاش عميق تم في هذا الأمر وأن الدولة تبحث عن حلول من أجل سلامة الأسرة.

وأضاف السيسي أن الكشف الطبي للمقبلين على الزواج سيكون بموافقة لجنة برئاسة قاضي، والنتائح ستكون مميكنة من وزارة الصحة لضمان سلامة التحاليل.

وتابع “أنا مش بعقد أنا بطمن كل أسرة والزواج ليس بالأمر البسيط”.

وفي هذا الإطار، أكد السيسي أنه عندما تحدث عن عدم الإنجاب في أول 3 سنين، البعض فهم أنه يقول ذلك من أجل تنظيم الإنجاب.

ولكنه أشار إلى أن الهدف “إعطاء الفرصة للزوجين للتعرف على الحياة الجديدة اللى مقبلين عليها، وبعد فترة في حالة الاتفاق يستمر الزواج وفي حالة غير ذلك يتم اختيار الأفضل”.