كشف الرئيس عبدالفتاح السيسي، عن أن الدولة نفذت محطات تحلية للمياه بتكلفة 190 مليار جنيه.
جاء ذلك حلال كلمته بافتتاح المرحلة الأولى من موسم حصاد مشروع مستقبل مصر .
وأضاف “التكلفة 190 مليار جنيه.. المصريين كتير سواء كان فى الرأى العام والمفكرين والمثقفين.. يقولك الفلوس فين.. أنا مكنش عندى خيارات تانية.. إن نسيب بلدنا كده وأنها تخرب.. كنا نعانى من إنفاق عالى جدا من الحكومة والدولة فى سبيل أن البلد دى تعيش”.
وتابع “انت قولت على ده فقط.. طب رشيد كام؟.. ماخذ رشيد بـ 150 كيلو.. الدكتور شاكر وزير الكهرباء عاوز لمحطات الكهرباء 50 مليار جنيه”.
الرئيس عبد الفتاح السيسي
Ads
كما قال الرئيس أثناء حديثه “أنا زنقت نفسى أه وزنقت الدولة أه.. بس علشان نعمل دولة واللى بيتعمل ده أثاره يوم عن يوم بتعود للدولة اللى بتنمو أكتر من 2 مليون إنسان فى السنة.. لما أقول الكلام ده مش ميديا والله العظيم أنا صادق.. ولو صادق حقيقة ربنا يوصل صدقى ليكم”.
واستطرد الرئيس السيسي: “واحنا بنفتتح سوق 500 فدان بيكلف مليارات الجنيهات علشان يقوم بالدور اللى كل الناس بتتمنى ان حاجتها تتعمل ويتحقق ده.. الدول الكبيرة اللى بتعمل الكلام ده واسواقها بالمستوى ده مش بتعملها علشان هى غنية ولكن عشان تستفيد من كل ما لديها ولا تهدر شيء”.
جهاز مستقبل مصر
جدير بالذكر أن جهاز مستقبل مصر للتنمية المستدامة يستهدف تنفيذ العديد من مشروعات الاستصلاح الزراعي بداية من منطقة الدلتا الجديدة، مرورا بالمنيا وبني سويف والفيوم، وصولا إلى أسوان والداخلة والعوينات من أجل تحقيق هدف زراعة 4 ملايين ونصف المليون فدان بحلول عام 2027، وذلك تنفيذًا للتوجيهات الرئاسية، وفقًا لتصريحات العقيد دكتور بهاء الغنام، المدير التنفيذي لجهاز مستقبل مصر للتنمية المستدامة.
ويعد مشروع جهاز مستقبل مصر للتنمية المستدامة أحد أكبر الكيانات في العالم في مجالات وأنشطة التنمية على صعيد مشروعات الزراعة والتصنيع الزراعي والاقتصاد البيئي والمشروعات التكاملية.
الرابط المختصر: https://estsmararabe.com/?p=289093
